من طرف nirvana7 الثلاثاء أغسطس 14, 2012 9:39 amالسلام عليكم اخوتي في الله
ما بعرف من وين بدي ابدأ ...لكن بموضوعي هذا حبيت اروي لكم تفاصيل التفاصيل فيما يتعلق بتجربتي كفتاة عانت من السمنة كثيرا و لم توفر جهدا او مالا في الخلاص منها حتى اتخذت اخيرا قراري في اجراء عملية السليف او التكميم.
سأبدأ معكم باختصار من طفولتي و التي كنت فيها اعتبر من الاطفال البدينين مقارنة بأقراني و اولاد جيلي مما كان يتعبني و يرهقني نفسيا ...بصراحة كنت اشعر اني اقل من كل اولاد جيلي مع العلم بتفوقي الدراسي...الا انني كنت اشعر بشيء ما ينقصني ..الى ان صار عمري 12 عام ... والدي سجلني بمدرسة بعيدة عن منزلنا و كانت هذه المدرسة حكومية بخلاف مدرستي في الابتدائي و التي كنت اصل اليها بالميكروباص الخاص بالمدرسة ...اي انني بالابتدائي و ما قبله كانت الحركة عندي شبه معدومة ...بلا طول سيرة (بنرجع للاعدادي و الثانوي)..المهم سجلت بمدرسة حكومية و صرت يوميا روح و ارجع مشي.... و اضرب المشوار العجيب لاخر الدنيا مشان مدرستي و ارجع ...ضليت عهالحال 5 سنوات ... بدون اي مبالغة ..صار مقاسي 38 و انا بالثاني الثانوي ...بعد ما كان مقاسي 44 و انا بالابتدائي...يعني فرق كبير ...عديت المرحلة الثانوية و دخلت بالجامعة و تخرجت ... توظفت بافضل شركة بالبلد عندنا و انا متل الملكة و الله العظيم ....اللي بدياه الاقيه بالسوق...ما اتعذب بشي ابدا... دائما عالموضى ... عند الكوافير يوميا ...الناس تسألني عن اظافري و المنيكور تبعي...جينزات و تيشيرتات و باليرينات و اي شي ممكن يخطر ببال بنوتة بعز شبابها ....شافني مديري بالشركة و طبعا بعد كل هالحكي اكيد شكلي و اهتمامي بنفسي و جمالي و الف الحمدلله انو الله عطاني الجمال ...كل هدا شدو الي ...وبقينا نحكي مع بعض فترة 8 شهور و بعدين انخطبنا و اتزوجنا خلال شهرين ...كنت عروس بمعنى الكلمة ..
انا اسفة اذا عم ينفهم من وصفي لنفسي مبالغة ...و الله العظيم ما بقصد من كل هالوصف الا تعرفوا الفرق قبل و بعد... لانو بعد ما زاد وزني اهملت نفسي بشكل كبير ..لاني كنت اعتبر اني شو ما عملت ما رح يبين مقارنة بوزني
المهم ....بعد شهرين من الزواج خطر ببالي روح عند طبيب نسائية وانا بحياتي مو داخلة عيادتو ...حتى اعمل كشف عام و اتطمن ع نفسي ... بعد ما رحت و عملي الدكتور ايكو ...قلي انو عندي اكياس عالمبايض و انها ممكن تأخر الحمل اذا ما تعالجت بكير...طبعا انا و زوجي كنا مقررين انو نأجل موضوع الحمل لفترة حتى نتهنى بحالنا فترة صغيرة و بعدين بنفكر بالاولاد...و بالاخير قررت ابدأ بالعلاج لانو امر لابد منو ...و العلاج كان عبارة عن حبوب منع حمل حتى تختفي الاكياس ....و بالنسبة الي من هاليوم بلشت المعاناة تعصيب و نرفزة و قلق و بداااااااااااااااااااااااااااية بزيادة الوزن ...بلش يطلع وزني شوي شوي بدون ما اشعر ع حالي... و اكل واكل و اكل لحد ما ممكن انو اي شخص بالكون يتخيلو ... :
طولي 167 سم ووزني يوم زواجي كان 55 كغ ...يعني مثالي جدا ... و بعد 8 شهور من الزواج و العلاج ..... حبلت ... تا تاتاتاتاتاتااااااااااااااااااا.........:
طبعا ما بخفيكون اني ما شعرت باي شي بالبداية و ما انتابني اي احساس بفرحة الحمل لاني ما بعرف شو يعني ولد او طفل .... المهم مرقت فترة الحمل كلها جوع و اكل و نهم و زفر و دهون و حلويات و كل شي بيجيب سمنة ممكن يخطر بالبال
....دكتورتي النسائية باخر حملي عملتلي نظام غذائي لانو زيادة الوزن عندي صارت اكتر من الطبيعية بمراحل و قضيت اخر شهرين عالخبز الاسمر وممنوعة من كل النشويات و السكريات..
وقتها بدأت الدكتورة باخافتي ... قالتلي انو اذا ضل وزني عم يزيد بهالشكل رح تكون ولادتي قيصرية ...وانا ما بخاف من التخدير و غرفة العمليات الا شوي...وما بخفيكون انو زوجي واهلو كلون كانوا عم يدعولي بالولادة الطبيعية ...وانا ما بعرف ليش... بس لما شفتون هيك صرت خاف من القيصرية اكتر و فضل الطبيعية ...
اجى يوم الولادة ب 27/4/2008 ...ووزني كان يومها (105) كغ ... مييييييييييييييييييييييييييييية و خمسة ....يعني انا شايلة بني ادم تاني ع كتافي زيادة ....2 بواحد .....يا سلام ولدت و بمية يا ويل حتى نزلت بعد ولادتي 10 كيلو و رجعت بفضل ضرسي اللي صار طيب عالاكل استرديتهم ...
كل اللي كتبتو بكوم ...و اللي رح اكتبو هلأ كوم تاني ....لانو فعلا هون بلشت مسيرتي بمحاربة السمنة ...
بعد ولادتي صرت فكر بوضعي كتير...و تحز بنفسي كل صورة قديمة شوفها بفترة خطبتي او شهر العسل....اتطلع بالصورة و ارجع اتطلع بالمراية ...و الله العظيم عشت حرب نفسية و حالة من الكابة لا توصف...كنت شخص...و صرت شخص تاني...لدرجة انو رفقاتي لما يشوفوا اي صورة الي من الصور القديمة يقولولي انو لو ما بيعرفوني من زمان لحتى ما يصدقوا انو هالصور لنفس الشخص...
بدأت المشوار بالريجيم الكيميائي ...اللي نزل وزني عليه و لما وقفتو رجع طلع الضعف غير انو ارتفع عندي الاسيد اوريك (حمض البول ) بالدم بسبب الاستهلاك المكثف للبروتين..
بدأت اعمل بحث على النت و ما خليت نوع من انواع الريجيمات و الخزعبلات الا و طبقتها ...ريجيم التمر و الحليب...ريجيم شوربة الملفوف... ريجيم الدشتي ... ما نفع معي شي...
ما في شي الا العذاب و الحرمان و الجوع ... قلت لحالي ما الي غير استخدام اوراق الملفوف كمنحف...صرت سخنها بالفرن و البسها قبل النوم و دككها بالشورت ... قام شو صار ؟؟؟؟
زوجي طفش من الغرفة هههههههه ....يعني لو ما عمل هيك لكنت شكيت بحاسة الشم اللي عندو بصراحة ...الله يعينو ...اتحملني يومين ...وانا بالاساس ما كنت متحملة حالي.... اي تقولوا شي ريحة فطيسة و العياذ بالله بقلب هالغرفة .... ريحة لا يمكن وصفها ....ما تروح الا بحمام ولا حمام العيد ع قولة المصريين. كمان لقيت وجع هالقلب ما منو فايدة ...مع العلم انو بالمنتديات بيعملوا البحر طحينة ع كل شي جديد ...لحد ما تشعر الوحدة فينا انو اذا طبقت هالطريقة ... حتفيق تلاقي حالها هيفا وهبي
رجعت من اول و جديد دور ع شغلة مو عاملتها من قبل ع امل انها تزبط معي ...وما كنت اتربى من النت ...ومع ذلك رجعت عالنت و دورت ... لقيت مقالات طويلة عريضة عن فوائد الزنجبيل و القرفة و بذرة الكتان ...وكمااااااااااان ما نفعوا معي و لا نزلولي وزني وقية
اخر شي و بعد طول عناء و كل شي عم اعملوا بالكتمان من دون اي اراء او استشارة ...قررت اسأل رفيقتي بركي بتعطيني حل يساعدني ... و كان جوابها كالاتي ...
نانا خانوم ما الك الا الدكتور (أدهم منصور) عندو مركز طويل عريض فيه اختصاصيين و عملتلياه بروفيسور تجميل ما كذبت خبر و رحت تاني يوم لعندو فورا ...شافتني بنت بلغارية ...اختصاصية مساج :36_1_40:...بالبداية اقنعتني اني اعمل كورسين ال بي جي ... و كل اسبوع اعمل جلسة الترا ساوند ... عأساس انو كل جلسة الترا ساوند بتنزل 5 سم من مقاس المنطقة المطلوبة ..و كورس ال بي جي اللي هوي عبارة عن 15 جلسة بينزل 10 سم ....لما سمعت هالكلام ...قلت لحالي فرجت و خلص لقيت الحل ....قام من كتر ما انبسطت دفعت سلف كورسين ال بي جي و 4 جلسات الترا ساوند (750 دولار) تككككككككككة وحدة.... و بلشت داوم عندن ...يوميا الي زيارة عالمركز ...ما رح اكذب عليكون ....فعلا فرقت حالي عال ال بي جي ...السيلوليت اللي تكون عندي بلش يختفي بشكل تدريجي ...و الجلد بلش يشد...و بالتالي فرقت كم سانتي متر ... بيني و بين حالي صار عندي قناعة انن صادقين و ما كذبوا عليي لاني بلشت شوف نتائج ملموسة .... ف طمعت بالاكتر و صار بدي افرق بالمقاس بشكل اكبر ...اجيت بيوم و سألت الاختصاصية عن طريقة جديدة و فعالة اكتر و بتنزل من وزني .... فنصحتني اني شوف الدكتور ...و فعلا ما كذبت خبر و طلعت من الجلسة فورا ع غرفة الدكتور و استشرتو ... فقلي انو الحل الوحيد الي هوي الشفط
عملية شفط دهون بالليزر
و بدأ يسردلي عن محاسنها ...و اثارها الايجابية الرهيبة اللي ح تبين عليي بعد 6 شهور كاقصى حد و رح تبدأ تبين من اول شهرين...وانو الدهون اللي رح يشفطها ...بعمرها ما رح ترجع تتكون بنفس المكان لانو الشفط بالليزر...و فعلا ...اخدت قراري و انا عندو بالعيادة و اتفقت معو ع موعد العملية ...وقتها ما خطر ببالي زوجي ... كل اللي كنت شايفتو اني رح ارجع متل ما كنت خلال شهرين ...واللي كنت عم دور عليه لمدة 3 سنوات لقيتو بلحظة
...رجعت عالبيت و الدنيا مو واسعتني من الفرحة ....وقلت لزوجي عاللي صار معي ....بالبداية انزعج اني ما اخدت رايو قبل ما قرر هيك قرار ....بس لما شافني بلشت اتضايق ...طنش عالسيرة و صار يشجعني ...عرفت انو عم يعمل هيك مشان ما يكسر بخاطري .... الله لا يحرمني منو و يخليه الي و يحميلي ياه
مر الاسبوع ببطء و صار يوم العملية ...كنت خايفة كتير ...و اكتر من مرة فكرت اني الغيها ...بس لما فكر بالنتيجة ارجع و شجع حالي
بصراحة ما في شي بيخوفني من اي عملية الا موضوع التخدير ....بموت من الرعبة منو ..بخاف نام وما فيق ....قضيت الليل فوق راس بنتي و انا عم اتطلع فيها و بوسها و ادعيلها و ادعي لحالي
رحت عالمشفى انا و رفيقتي الصبح : ..... قبل ما ادخل ع غرفة العمليات اتصلت بالماما ...خفت اني ما عد اقدر اسمع صوتها بعدين .... اخدت رضاها ...مع العلم اني رايحة اعمل العملية وماني قايلتلها ...ما كان بدي خبرها باي شي لاطلع بالسلامة مشان ما عيشها ع اعصابها ... اتصلت بزوجي بعدين وانا عم ابكيييييييييييييييي و خايفة ...قام هوي صار يتغالظ عليي مشان يضحكني ...وصيتو ببنتي و امنتوا عليها اذا صرلي اي شي ...قلتلو اذا صرلي اي شي ...عطيها لامي تربيها و انت تزوج اذا بدك ...بس امانة لا تقعدها مع خالة بنفس البيت ... كآبة ب كآبة... ما بعرف شو هالحالة اللي صارت فيني ....يمكن لاني اول مرة بفوت بهيك تجربة ...دخلت ع غرفة العمليات و طلعت الحمدلله ...بس صوتي واصا لسابع سما من الوجع ....لقيت جوزي و رفيقتي عم ينتظروني بالغرفة و الماما بطريقها عالمشفى ....الاحلى انو زوجي طلع مخبرها وقت اللي كنت بالعملية ...يا حرام ..شو عمل فيها ...منيح اللي ما انجلطت يا حبيبتي هيي ..:خلصت العملية ع خير .. و رجعت ع بيتي الف الحمدلله ...ضليت اسبوع لقدرت امشي متل البشر ...العملية عملتها لمنطقة الورك وكان المشي كتير صعب ...بعد 10 ايام رجعت لجلساتي بالمركز و سجلت بكورسين اضافيين لمدة شهر .... بس لما شافني الدكتور قلي انو لازم كمان اخد ابر ميزو ثيرابي ...و هالشي بيخلي النتيجة تظهر بشكل اكبر...و فعلا ما كذبت خبر ...بعيد عنكون عنجد طلعت خروف ... ضليت عم اخد ابر ميزو و اعمل جلسات ال بي جي ...لحد ما صاروا شي 16 ابرة و كل ابرة ب 100 دولار ... يا بلاش....
بس الشهادة ل الله انا كنت طماعة ...و بهالفترة حسيت حالي كنت اغبى انسانة فيها بالكون ...بعد شهر و قبل ما تبين اي نتيجة عليي رجعت لعند الدكتور مشان اعمل عملية شفط تانية لنفس المنطقة ع اساس اني اذا عملتها بلاقي النتيجة دبل و بنحف اكتر :mda: ...و اللي كانت اكبر مشكلة عندي بهالحياة ... و لانو الدكتور طلع تجاري ...لانو عيب قول عنو حرامي... قبل و ما عارض ابدا...بدل ما يمنعني بصفتو طبيب و يوضحلي انو ممكن يكون في خطر عليي او ما لاقي النتيجة اللي انا بترجاها...قبل و حددلي موعد للعملية التانية ...و فعلا بفارق شهر تقريبا عملت العملية التانية ... و ضليت عالجلسات عندو ...بالاضافة للرياضة بالبيت ...اشتريت جهاز اوربت و كنت اقضي نص يومي عليه
بعرف اني اطلت بموضوعي كتير بس 5 سنوات عذاب مع السمنة قصة طويلة كتير و قد ما اختصرت فيها ما رح اقدر اختصر اكتر من هيك . و يمكن متلي متايل ...و اللي عاملين عملتي كتار ... فاكيد هي التجربة ح تكون مرجع لكتير من الصبايا حتى يفكروا الف مرة قبل ما يتخذوا اي قرار و يتهوروا باي شي بيخص حياتهون .
المهم عملت العملية التانية و خلصت بخير و سلامة و بعد 6 شهور فرقت 3 مقاسات ...من ال 52 لل 46 ... كان بالنسبة الي انجاز ...بس فعليا انا وقتها ما اعتمدت بس عالعملية ...و انما خففت اكل و سجلت بنادي للرياضة 3 ايام بالاسبوع اضافة للعب عالاوربت بالبيت ...كانت النتيجة حلوة بالنسبة الي ...بس المشكلة انو الوزن ما فرق الا شي بسيط كتير ...5 كيلو ب 6 شهور ...و بعدين حتى اكتشفت انو الدكتور بياع كلام و كذذذذذذذذاب .... بكل عملية كان يشفط 8 ليتر من الشحوم ...يعني بالعمليتين شفطت 16 ليتر من الدهون ...و حسب كلام الدكتور انو كل ليتر بيساوي 2 كغ ... فالطبيعي و اللي كنت متوقعتو من كلام الدكتور اني و خلال 6 شهور انزل 32 كيلو من دون اي رياضة او تخفيف اكل ....فما بالكون اذا عملت الاتنين ؟؟؟؟
بعد 6 شهور واللي فرق معي بس المقاس ...اما الوزن و مشكلة الضغط اللي عم يرتفع ما انحل فيها شي و عرفت اني كنت ضحية خدعة كبيرة انا اوهمت حالي فيها و غيري كملها معي و خلاني صدقو..
ما كان طالع بايدي شي غير اني فوض امري لرب العالمين و عوضي ع الله بالفلوس اللي اندفعت بالهبل و التعب و العذاب ...بس لحد الان ما عم اقدر سامح الدكتور ...حاولت و ما قدرت ع قد ما تعذبت بهالعمليات و عذبت اهلي و زوجي ودفعت مصاري عندو بالمركز و عمليات و عرضت نفسي للخطر ....كلو من دون تفكير ...انعمى ع قلبي مشان انحف ...وبالاخير و بعد سنة رجعت كسبت وزن زيادة و رصار مقاسي 54... يعني كلام هالدكتور كان كلو بيع كلام ... شو بدي قول او ادعي عليه بهالايام الفضيلة ؟؟؟؟ حسبنا الله و نعم الوكيل افضل شيء
رجعت عشت بكآبة وعقدة الشي اللي اسمو سمنة ...لحد ما نصحوني بمراجعة طبيبة تغذية ....الله يشهد ع كلامي رحت لعند 5 طبيبات تغذية و لقيت انو كلهن تجاريات و بيهمهون الفلوس قبل المريض و السمعة الحسنة....اولهم دانا الحموي .و الاخصائيات اللي راجعتهم خلال اخر سنتين هنن (بريجيت معقد,رشا نجمة,دانا الحموي و روان الاشقر ووحدة ماعد اتذكر غير اسمها الاول (مروى)) ما استفدت عند اي حدا منن الا روان الاشقر ...بعد دفع 800 دولار ....نزلت 7 كيلو و نص ....يعني كل كيلو ب 100 دولار...و الطريقة انها كانت تبعتلي وجباتي اليومية عالبيت ...لمدة شهرين ...و بعض الاوقات كانت توصلني السلطات منزوعة و ريحتها طالعة ...ومع اني كنت اتصل فيها و قلها ...الا انو لا حياة لمن تنادي
طبعا و بفترات متقطعة جربت ادوية كتيرة متل ريداكت 15 .. و هدا اكتر دوا نزلي وزني و طلع بالاخير بيعمل سرطانات و منعوه بالسوق السورية... وجربت حبوب زين الاتات ,سوبر سليم,جوجوبا,فيا اناناس,فت (اورليستات) , فات بيرنر الاميركي, غرين ابل,اوبرا,الشاي الابيض,الشاي الاخضر,زوتريم بلس و الدوا الصيني اللي علبتو خضرا تنك ...والله نسيت شو اسمو) يعني بالنتيجة صرت فار تجارب ...وما في شي بالسوق الا و جربتو ...اخر شي صار زوجي يخانقني كل ما شافني جايبة دوا جديد من خوفو عليي :عنجد معو حق ...منيح اللي فيني حيل وما اتسرطنت بعيد من هون لا سمح الله...
وكل هدا بدو عملة ....و ادفعي يا نانا ....و يالله يا زوج نانا الله يخليك مالها غيرك ....مد ايدك ع جيبك و طالع المعلوم ...
لحد اخر شي ...طلعت حامل ...و بلشت الوساوس تشتغل انو الجنين يكون مشوه او معاق ع قد ما خبصت بحالي ...ضليت هييييييييييييييييك لعملت الدوبلر الحمدلله و اتطمنت...و ضليت عم اكل متل العادة لحد ما ولدت من 3 شهور و نص
الف الحمدلله ...الله بعتلي صبي و قلت لحالي خلص ..الله يحميون صبي و بنت حلوين مبدئيا ...وما رح فكر بالولاد قبل سنتين. :gcube:..ومن هون لسنتين لازم اتغير ... رحت اشتريت بساط مشي عالكهربا و جهاز كريزي فت ...يعني صار ببيبتي نص نادي رياضي...شو بدكون اجهزة بتلاقو عندي...و ضليت هال 3 شهور عالاجهزة...
وصلت لمرحلة بحياتي صار شغلي الشاغل هوي جسمي...واني انحف و ارجع متل ما كنت ....صار عندي وسواس ...حتى ابعد شخص بالعائلة صار يعرف فيه..
ليوم من الايام اجت ماما لعندي و قالتلي عالحل اللي انشالله و باذن الله يكون نهائي و فيه الشفاء بالنسبة الي
و اللي هوي التكميم...
زوجي بهي المرحلة و بعد معاناتو الطويلة معي كان رافض لاي تجربة جديدة طبعا و بمساعدة والدتي و خالاتي قدرنا نقنعو...و اخدتني الماما لعند افضل جراح بسوريا ...وطبعا اسمو اشهر من نار على علم عنا ...وهوي نفسو اللي عمل السليف ل وفاء موصللي وسلوم حداد و سيف الدين السبيعي
الدكتور طريف عيطة ... طبعا ما في داعي اوصف الرقي تبعو ....راقي و اكابر و جنتل و بيجنن و بنفس الوقت شاطر و معروف...و هوي المدير العام لمشفى الاسد الجامعي... يعني لازم يكون شاطر كتير و نسبة الخطأ بعملياتو معدومة ...و اساسا هوي اختصاصي جراحة
المهم رحت عالدكتور و شرحلي عالعملية ... و اكدلي انو هالعملية بتصلح لاشخاص متلي ...عملو كلشي وما استفادوا...ووزنن و حالتون الصحية بتسمح...
طلبلي صور و تحاليل ...رحت عملتها بنفس المشفى اللي عملت العملية فيه و كان كل شي طبيعي ...باستثناء الشحوم و الكوليسترول و الاسيد اوريك ...وهدا شي طبيعي لشخص بوزني.
بس احلى شي صار معي انو انا طولي 165 سم ... لما قاس الطول طلع معو 160 سم ...انصدمت بصراحة .بس اللي وضحلي ياه انو لما الوزن بيزيد ...غضاريف المفاصل و العمود الفقري بتنضغط ...مشان هيك الشخص بيقصر شوي..... و لما بيستعيد وزنو الطبيعي ..ومع شوية رياضة بيرجع متل ما كان
عملت العملية السبت قبل الماضي ...يعني من اقل من 15 يوم ... اول يوم كان عذاب بمعنى الكلمة ...
ليش العذاب ؟؟؟
لانو ما في اكل ... : ... عنجد انا مشكلتي بهالحياة هيي الاكل ...بحب الاكل بشكل مو طبيعي ...وكان لازمني هيك عملية حتى اعمل ريجيم اجباري و غصب عني ...غير هيك صدقا ما كان مشي الحال ابدا ..
المهم اول يوم من العملية و بعد خروجي من غرفة العمليات حسيت بوجع ...بس محمول بصراحة ...مع المسكنات كان الوضع تقريبا عادي...لاني كنت مهيأة نفسي لالام اكبر ...بس لقيتها محمولة ...
علقولي سيروم بايدي و كان في انبوب طالع من انفي... و هدا اللي كان مسببلي شوية ازعاج...المسا ...زوجي جاب اكل الو و لاختي اللي كانت نايمة عندي.. لما فتحوا الاكل و بلشت الروايح تطلع بالغرفة تعوذت من الشيطان...ما بعرف شو صرلي من الريحة و بلشت استفرغ.. يعني اتقيأ... بس كان كل القيء ينزل بالكيس ع شكل دم اسود ..اول يوم كنت متدايقة عنجد و عندي احساس بعدم الراحة ...وخاصة مع الجرابات اللي لبسوني ياهون مشان منع التجلط...و الدنيا صيف و حرييييييييق ...يعني ما كان ناقصني غير هالجرابات
تاني يوم فقت و كانو مو صاير معي شي و لا كاني عاملة عملية قبل بيوم ...فيقتني الممرضة مشان تاخد الضغط و الحرارة و تعطيني الابرة اللي بالبطن (كمان هي مانع تخثر ومميع للدم مشان الجلطات)
اجى الدكتور بعد الظهر و عطاني التعليمات مشان نظامي الغذائي...يعني بكذب عليكون اذا قلتلكون انو سهل ... كتير صعب ...بس مو اصعب من الحالة النفسية اللي سببتلي فيها السمنة .. و كلو كرمال الرشاقة بيهون ..
اول اسبوعين سوائل شفافة و مرق لحمة و دجاج...تاني اسبوعين سوائل سميكة شوي ...بعد شهر لاقدر اكل المهروس ...بالنسبة للرز و النشويات ممنوعة قبل مرور 3 شهور من موعد العملية ...
لحد اليوم مر اقل من 15 يوم ...متقيدة بكل التعليمات ...وكل ما اتدايق بتذكر منظر معدتي اللي قصلي ياها قديش كانت كبييييييييييرة....معدة ديناصور مو هيك...
برجع بواسي حالي ...صرت استمتع بشرب مرقة شوربة الماجي او الاندومي و اعتبر حالي اكلة منسف....رح طق ع كاسة لبن يا شباب وما عم استرجي اشربها ... بدي اكل و عم اشتهي الاكل بقوة ... يا الله انا بموت بشي اسمو اكل ...للحظات بشعر بالندم اني عملت هالعملية ..و بعدين برجع و بشجع حالي ...و خصوصي انو تلات ارباع جهازي ما لبست منو شي لاني بلشت اسمن اول زواجي عالادوية و هلأ عم واسي نفسي اني رح ارجع البس جينزات و لانجري و غيرو و غيراتو ...
بس اكبر مشكلة مصادفتني لحد هاللحظة هوي شرب الماء....يعني بشرب سوائل كتير ما بتدايق منها ...بس اشرب مي ...بغص و بتشردق و بتجي روحي لتطلع ...و القران مشتهية اشرب كاسة مي و حس اني ارتويت ...حرقة بقلبي المي لهلأ...
اذا حدا عندو حل امانة لا يبخل عليي و الو ثواب عند رب العالمين ...من يوم العملية لليوم صرت نازلة 5 كيلو... مقارنة بكلام الدكتور ....نزولي بطيء جدا ... يعني لازم انزل اكتر من هيك بكتير....بس المشكلة انو بعد العملية ما عندي حيل لاعمل شي...دائما تعبانة و نعسانة و مالي حيل ارمش عيني ... بعتقد هالشي عادي نتيجة انعدام الغذاء
ناطرة شوي لاسترد حيلي و بدي امشي عجهاز السير انشالله...
اسفة عالاطالة ...بس برأيي انو تجربتي لازم تنكتب لانو كتير ممكن يستفيد منها ...مشان ما يشتري سمك بالمي و ياخدني عبرة الو ....بعد 5 سنوات معاناة ...صار فيني قول اني صرت خبيرة بكل ما يتعلق بامور التنحيف ...من ادوية , لاعشاب طبية, لنوادي رياضة ,لعمليات ,, لمراكز تجميل و غيرو و غيراتو ....
اي سؤال انا جاهزة انشالله وما ببخل عليكون بالرد ... و امانة امانة اي شخص بدو يعمل اي شي ما الو غير الاستخارة ...لولا الاستخارة ما عملت هالعملية و باذن الله ما بندم ..
مشكورين على طولة البال و اسفة عالاطالة
اختكم في الله ...
Nirvana7]
ما بعرف من وين بدي ابدأ ...لكن بموضوعي هذا حبيت اروي لكم تفاصيل التفاصيل فيما يتعلق بتجربتي كفتاة عانت من السمنة كثيرا و لم توفر جهدا او مالا في الخلاص منها حتى اتخذت اخيرا قراري في اجراء عملية السليف او التكميم.
سأبدأ معكم باختصار من طفولتي و التي كنت فيها اعتبر من الاطفال البدينين مقارنة بأقراني و اولاد جيلي مما كان يتعبني و يرهقني نفسيا ...بصراحة كنت اشعر اني اقل من كل اولاد جيلي مع العلم بتفوقي الدراسي...الا انني كنت اشعر بشيء ما ينقصني ..الى ان صار عمري 12 عام ... والدي سجلني بمدرسة بعيدة عن منزلنا و كانت هذه المدرسة حكومية بخلاف مدرستي في الابتدائي و التي كنت اصل اليها بالميكروباص الخاص بالمدرسة ...اي انني بالابتدائي و ما قبله كانت الحركة عندي شبه معدومة ...بلا طول سيرة (بنرجع للاعدادي و الثانوي)..المهم سجلت بمدرسة حكومية و صرت يوميا روح و ارجع مشي.... و اضرب المشوار العجيب لاخر الدنيا مشان مدرستي و ارجع ...ضليت عهالحال 5 سنوات ... بدون اي مبالغة ..صار مقاسي 38 و انا بالثاني الثانوي ...بعد ما كان مقاسي 44 و انا بالابتدائي...يعني فرق كبير ...عديت المرحلة الثانوية و دخلت بالجامعة و تخرجت ... توظفت بافضل شركة بالبلد عندنا و انا متل الملكة و الله العظيم ....اللي بدياه الاقيه بالسوق...ما اتعذب بشي ابدا... دائما عالموضى ... عند الكوافير يوميا ...الناس تسألني عن اظافري و المنيكور تبعي...جينزات و تيشيرتات و باليرينات و اي شي ممكن يخطر ببال بنوتة بعز شبابها ....شافني مديري بالشركة و طبعا بعد كل هالحكي اكيد شكلي و اهتمامي بنفسي و جمالي و الف الحمدلله انو الله عطاني الجمال ...كل هدا شدو الي ...وبقينا نحكي مع بعض فترة 8 شهور و بعدين انخطبنا و اتزوجنا خلال شهرين ...كنت عروس بمعنى الكلمة ..
انا اسفة اذا عم ينفهم من وصفي لنفسي مبالغة ...و الله العظيم ما بقصد من كل هالوصف الا تعرفوا الفرق قبل و بعد... لانو بعد ما زاد وزني اهملت نفسي بشكل كبير ..لاني كنت اعتبر اني شو ما عملت ما رح يبين مقارنة بوزني
المهم ....بعد شهرين من الزواج خطر ببالي روح عند طبيب نسائية وانا بحياتي مو داخلة عيادتو ...حتى اعمل كشف عام و اتطمن ع نفسي ... بعد ما رحت و عملي الدكتور ايكو ...قلي انو عندي اكياس عالمبايض و انها ممكن تأخر الحمل اذا ما تعالجت بكير...طبعا انا و زوجي كنا مقررين انو نأجل موضوع الحمل لفترة حتى نتهنى بحالنا فترة صغيرة و بعدين بنفكر بالاولاد...و بالاخير قررت ابدأ بالعلاج لانو امر لابد منو ...و العلاج كان عبارة عن حبوب منع حمل حتى تختفي الاكياس ....و بالنسبة الي من هاليوم بلشت المعاناة تعصيب و نرفزة و قلق و بداااااااااااااااااااااااااااية بزيادة الوزن ...بلش يطلع وزني شوي شوي بدون ما اشعر ع حالي... و اكل واكل و اكل لحد ما ممكن انو اي شخص بالكون يتخيلو ... :
طولي 167 سم ووزني يوم زواجي كان 55 كغ ...يعني مثالي جدا ... و بعد 8 شهور من الزواج و العلاج ..... حبلت ... تا تاتاتاتاتاتااااااااااااااااااا.........:
طبعا ما بخفيكون اني ما شعرت باي شي بالبداية و ما انتابني اي احساس بفرحة الحمل لاني ما بعرف شو يعني ولد او طفل .... المهم مرقت فترة الحمل كلها جوع و اكل و نهم و زفر و دهون و حلويات و كل شي بيجيب سمنة ممكن يخطر بالبال
....دكتورتي النسائية باخر حملي عملتلي نظام غذائي لانو زيادة الوزن عندي صارت اكتر من الطبيعية بمراحل و قضيت اخر شهرين عالخبز الاسمر وممنوعة من كل النشويات و السكريات..
وقتها بدأت الدكتورة باخافتي ... قالتلي انو اذا ضل وزني عم يزيد بهالشكل رح تكون ولادتي قيصرية ...وانا ما بخاف من التخدير و غرفة العمليات الا شوي...وما بخفيكون انو زوجي واهلو كلون كانوا عم يدعولي بالولادة الطبيعية ...وانا ما بعرف ليش... بس لما شفتون هيك صرت خاف من القيصرية اكتر و فضل الطبيعية ...
اجى يوم الولادة ب 27/4/2008 ...ووزني كان يومها (105) كغ ... مييييييييييييييييييييييييييييية و خمسة ....يعني انا شايلة بني ادم تاني ع كتافي زيادة ....2 بواحد .....يا سلام ولدت و بمية يا ويل حتى نزلت بعد ولادتي 10 كيلو و رجعت بفضل ضرسي اللي صار طيب عالاكل استرديتهم ...
كل اللي كتبتو بكوم ...و اللي رح اكتبو هلأ كوم تاني ....لانو فعلا هون بلشت مسيرتي بمحاربة السمنة ...
بعد ولادتي صرت فكر بوضعي كتير...و تحز بنفسي كل صورة قديمة شوفها بفترة خطبتي او شهر العسل....اتطلع بالصورة و ارجع اتطلع بالمراية ...و الله العظيم عشت حرب نفسية و حالة من الكابة لا توصف...كنت شخص...و صرت شخص تاني...لدرجة انو رفقاتي لما يشوفوا اي صورة الي من الصور القديمة يقولولي انو لو ما بيعرفوني من زمان لحتى ما يصدقوا انو هالصور لنفس الشخص...
بدأت المشوار بالريجيم الكيميائي ...اللي نزل وزني عليه و لما وقفتو رجع طلع الضعف غير انو ارتفع عندي الاسيد اوريك (حمض البول ) بالدم بسبب الاستهلاك المكثف للبروتين..
بدأت اعمل بحث على النت و ما خليت نوع من انواع الريجيمات و الخزعبلات الا و طبقتها ...ريجيم التمر و الحليب...ريجيم شوربة الملفوف... ريجيم الدشتي ... ما نفع معي شي...
ما في شي الا العذاب و الحرمان و الجوع ... قلت لحالي ما الي غير استخدام اوراق الملفوف كمنحف...صرت سخنها بالفرن و البسها قبل النوم و دككها بالشورت ... قام شو صار ؟؟؟؟
زوجي طفش من الغرفة هههههههه ....يعني لو ما عمل هيك لكنت شكيت بحاسة الشم اللي عندو بصراحة ...الله يعينو ...اتحملني يومين ...وانا بالاساس ما كنت متحملة حالي.... اي تقولوا شي ريحة فطيسة و العياذ بالله بقلب هالغرفة .... ريحة لا يمكن وصفها ....ما تروح الا بحمام ولا حمام العيد ع قولة المصريين. كمان لقيت وجع هالقلب ما منو فايدة ...مع العلم انو بالمنتديات بيعملوا البحر طحينة ع كل شي جديد ...لحد ما تشعر الوحدة فينا انو اذا طبقت هالطريقة ... حتفيق تلاقي حالها هيفا وهبي
رجعت من اول و جديد دور ع شغلة مو عاملتها من قبل ع امل انها تزبط معي ...وما كنت اتربى من النت ...ومع ذلك رجعت عالنت و دورت ... لقيت مقالات طويلة عريضة عن فوائد الزنجبيل و القرفة و بذرة الكتان ...وكمااااااااااان ما نفعوا معي و لا نزلولي وزني وقية
اخر شي و بعد طول عناء و كل شي عم اعملوا بالكتمان من دون اي اراء او استشارة ...قررت اسأل رفيقتي بركي بتعطيني حل يساعدني ... و كان جوابها كالاتي ...
نانا خانوم ما الك الا الدكتور (أدهم منصور) عندو مركز طويل عريض فيه اختصاصيين و عملتلياه بروفيسور تجميل ما كذبت خبر و رحت تاني يوم لعندو فورا ...شافتني بنت بلغارية ...اختصاصية مساج :36_1_40:...بالبداية اقنعتني اني اعمل كورسين ال بي جي ... و كل اسبوع اعمل جلسة الترا ساوند ... عأساس انو كل جلسة الترا ساوند بتنزل 5 سم من مقاس المنطقة المطلوبة ..و كورس ال بي جي اللي هوي عبارة عن 15 جلسة بينزل 10 سم ....لما سمعت هالكلام ...قلت لحالي فرجت و خلص لقيت الحل ....قام من كتر ما انبسطت دفعت سلف كورسين ال بي جي و 4 جلسات الترا ساوند (750 دولار) تككككككككككة وحدة.... و بلشت داوم عندن ...يوميا الي زيارة عالمركز ...ما رح اكذب عليكون ....فعلا فرقت حالي عال ال بي جي ...السيلوليت اللي تكون عندي بلش يختفي بشكل تدريجي ...و الجلد بلش يشد...و بالتالي فرقت كم سانتي متر ... بيني و بين حالي صار عندي قناعة انن صادقين و ما كذبوا عليي لاني بلشت شوف نتائج ملموسة .... ف طمعت بالاكتر و صار بدي افرق بالمقاس بشكل اكبر ...اجيت بيوم و سألت الاختصاصية عن طريقة جديدة و فعالة اكتر و بتنزل من وزني .... فنصحتني اني شوف الدكتور ...و فعلا ما كذبت خبر و طلعت من الجلسة فورا ع غرفة الدكتور و استشرتو ... فقلي انو الحل الوحيد الي هوي الشفط
عملية شفط دهون بالليزر
و بدأ يسردلي عن محاسنها ...و اثارها الايجابية الرهيبة اللي ح تبين عليي بعد 6 شهور كاقصى حد و رح تبدأ تبين من اول شهرين...وانو الدهون اللي رح يشفطها ...بعمرها ما رح ترجع تتكون بنفس المكان لانو الشفط بالليزر...و فعلا ...اخدت قراري و انا عندو بالعيادة و اتفقت معو ع موعد العملية ...وقتها ما خطر ببالي زوجي ... كل اللي كنت شايفتو اني رح ارجع متل ما كنت خلال شهرين ...واللي كنت عم دور عليه لمدة 3 سنوات لقيتو بلحظة
...رجعت عالبيت و الدنيا مو واسعتني من الفرحة ....وقلت لزوجي عاللي صار معي ....بالبداية انزعج اني ما اخدت رايو قبل ما قرر هيك قرار ....بس لما شافني بلشت اتضايق ...طنش عالسيرة و صار يشجعني ...عرفت انو عم يعمل هيك مشان ما يكسر بخاطري .... الله لا يحرمني منو و يخليه الي و يحميلي ياه
مر الاسبوع ببطء و صار يوم العملية ...كنت خايفة كتير ...و اكتر من مرة فكرت اني الغيها ...بس لما فكر بالنتيجة ارجع و شجع حالي
بصراحة ما في شي بيخوفني من اي عملية الا موضوع التخدير ....بموت من الرعبة منو ..بخاف نام وما فيق ....قضيت الليل فوق راس بنتي و انا عم اتطلع فيها و بوسها و ادعيلها و ادعي لحالي
رحت عالمشفى انا و رفيقتي الصبح : ..... قبل ما ادخل ع غرفة العمليات اتصلت بالماما ...خفت اني ما عد اقدر اسمع صوتها بعدين .... اخدت رضاها ...مع العلم اني رايحة اعمل العملية وماني قايلتلها ...ما كان بدي خبرها باي شي لاطلع بالسلامة مشان ما عيشها ع اعصابها ... اتصلت بزوجي بعدين وانا عم ابكيييييييييييييييي و خايفة ...قام هوي صار يتغالظ عليي مشان يضحكني ...وصيتو ببنتي و امنتوا عليها اذا صرلي اي شي ...قلتلو اذا صرلي اي شي ...عطيها لامي تربيها و انت تزوج اذا بدك ...بس امانة لا تقعدها مع خالة بنفس البيت ... كآبة ب كآبة... ما بعرف شو هالحالة اللي صارت فيني ....يمكن لاني اول مرة بفوت بهيك تجربة ...دخلت ع غرفة العمليات و طلعت الحمدلله ...بس صوتي واصا لسابع سما من الوجع ....لقيت جوزي و رفيقتي عم ينتظروني بالغرفة و الماما بطريقها عالمشفى ....الاحلى انو زوجي طلع مخبرها وقت اللي كنت بالعملية ...يا حرام ..شو عمل فيها ...منيح اللي ما انجلطت يا حبيبتي هيي ..:خلصت العملية ع خير .. و رجعت ع بيتي الف الحمدلله ...ضليت اسبوع لقدرت امشي متل البشر ...العملية عملتها لمنطقة الورك وكان المشي كتير صعب ...بعد 10 ايام رجعت لجلساتي بالمركز و سجلت بكورسين اضافيين لمدة شهر .... بس لما شافني الدكتور قلي انو لازم كمان اخد ابر ميزو ثيرابي ...و هالشي بيخلي النتيجة تظهر بشكل اكبر...و فعلا ما كذبت خبر ...بعيد عنكون عنجد طلعت خروف ... ضليت عم اخد ابر ميزو و اعمل جلسات ال بي جي ...لحد ما صاروا شي 16 ابرة و كل ابرة ب 100 دولار ... يا بلاش....
بس الشهادة ل الله انا كنت طماعة ...و بهالفترة حسيت حالي كنت اغبى انسانة فيها بالكون ...بعد شهر و قبل ما تبين اي نتيجة عليي رجعت لعند الدكتور مشان اعمل عملية شفط تانية لنفس المنطقة ع اساس اني اذا عملتها بلاقي النتيجة دبل و بنحف اكتر :mda: ...و اللي كانت اكبر مشكلة عندي بهالحياة ... و لانو الدكتور طلع تجاري ...لانو عيب قول عنو حرامي... قبل و ما عارض ابدا...بدل ما يمنعني بصفتو طبيب و يوضحلي انو ممكن يكون في خطر عليي او ما لاقي النتيجة اللي انا بترجاها...قبل و حددلي موعد للعملية التانية ...و فعلا بفارق شهر تقريبا عملت العملية التانية ... و ضليت عالجلسات عندو ...بالاضافة للرياضة بالبيت ...اشتريت جهاز اوربت و كنت اقضي نص يومي عليه
بعرف اني اطلت بموضوعي كتير بس 5 سنوات عذاب مع السمنة قصة طويلة كتير و قد ما اختصرت فيها ما رح اقدر اختصر اكتر من هيك . و يمكن متلي متايل ...و اللي عاملين عملتي كتار ... فاكيد هي التجربة ح تكون مرجع لكتير من الصبايا حتى يفكروا الف مرة قبل ما يتخذوا اي قرار و يتهوروا باي شي بيخص حياتهون .
المهم عملت العملية التانية و خلصت بخير و سلامة و بعد 6 شهور فرقت 3 مقاسات ...من ال 52 لل 46 ... كان بالنسبة الي انجاز ...بس فعليا انا وقتها ما اعتمدت بس عالعملية ...و انما خففت اكل و سجلت بنادي للرياضة 3 ايام بالاسبوع اضافة للعب عالاوربت بالبيت ...كانت النتيجة حلوة بالنسبة الي ...بس المشكلة انو الوزن ما فرق الا شي بسيط كتير ...5 كيلو ب 6 شهور ...و بعدين حتى اكتشفت انو الدكتور بياع كلام و كذذذذذذذذاب .... بكل عملية كان يشفط 8 ليتر من الشحوم ...يعني بالعمليتين شفطت 16 ليتر من الدهون ...و حسب كلام الدكتور انو كل ليتر بيساوي 2 كغ ... فالطبيعي و اللي كنت متوقعتو من كلام الدكتور اني و خلال 6 شهور انزل 32 كيلو من دون اي رياضة او تخفيف اكل ....فما بالكون اذا عملت الاتنين ؟؟؟؟
بعد 6 شهور واللي فرق معي بس المقاس ...اما الوزن و مشكلة الضغط اللي عم يرتفع ما انحل فيها شي و عرفت اني كنت ضحية خدعة كبيرة انا اوهمت حالي فيها و غيري كملها معي و خلاني صدقو..
ما كان طالع بايدي شي غير اني فوض امري لرب العالمين و عوضي ع الله بالفلوس اللي اندفعت بالهبل و التعب و العذاب ...بس لحد الان ما عم اقدر سامح الدكتور ...حاولت و ما قدرت ع قد ما تعذبت بهالعمليات و عذبت اهلي و زوجي ودفعت مصاري عندو بالمركز و عمليات و عرضت نفسي للخطر ....كلو من دون تفكير ...انعمى ع قلبي مشان انحف ...وبالاخير و بعد سنة رجعت كسبت وزن زيادة و رصار مقاسي 54... يعني كلام هالدكتور كان كلو بيع كلام ... شو بدي قول او ادعي عليه بهالايام الفضيلة ؟؟؟؟ حسبنا الله و نعم الوكيل افضل شيء
رجعت عشت بكآبة وعقدة الشي اللي اسمو سمنة ...لحد ما نصحوني بمراجعة طبيبة تغذية ....الله يشهد ع كلامي رحت لعند 5 طبيبات تغذية و لقيت انو كلهن تجاريات و بيهمهون الفلوس قبل المريض و السمعة الحسنة....اولهم دانا الحموي .و الاخصائيات اللي راجعتهم خلال اخر سنتين هنن (بريجيت معقد,رشا نجمة,دانا الحموي و روان الاشقر ووحدة ماعد اتذكر غير اسمها الاول (مروى)) ما استفدت عند اي حدا منن الا روان الاشقر ...بعد دفع 800 دولار ....نزلت 7 كيلو و نص ....يعني كل كيلو ب 100 دولار...و الطريقة انها كانت تبعتلي وجباتي اليومية عالبيت ...لمدة شهرين ...و بعض الاوقات كانت توصلني السلطات منزوعة و ريحتها طالعة ...ومع اني كنت اتصل فيها و قلها ...الا انو لا حياة لمن تنادي
طبعا و بفترات متقطعة جربت ادوية كتيرة متل ريداكت 15 .. و هدا اكتر دوا نزلي وزني و طلع بالاخير بيعمل سرطانات و منعوه بالسوق السورية... وجربت حبوب زين الاتات ,سوبر سليم,جوجوبا,فيا اناناس,فت (اورليستات) , فات بيرنر الاميركي, غرين ابل,اوبرا,الشاي الابيض,الشاي الاخضر,زوتريم بلس و الدوا الصيني اللي علبتو خضرا تنك ...والله نسيت شو اسمو) يعني بالنتيجة صرت فار تجارب ...وما في شي بالسوق الا و جربتو ...اخر شي صار زوجي يخانقني كل ما شافني جايبة دوا جديد من خوفو عليي :عنجد معو حق ...منيح اللي فيني حيل وما اتسرطنت بعيد من هون لا سمح الله...
وكل هدا بدو عملة ....و ادفعي يا نانا ....و يالله يا زوج نانا الله يخليك مالها غيرك ....مد ايدك ع جيبك و طالع المعلوم ...
لحد اخر شي ...طلعت حامل ...و بلشت الوساوس تشتغل انو الجنين يكون مشوه او معاق ع قد ما خبصت بحالي ...ضليت هييييييييييييييييك لعملت الدوبلر الحمدلله و اتطمنت...و ضليت عم اكل متل العادة لحد ما ولدت من 3 شهور و نص
الف الحمدلله ...الله بعتلي صبي و قلت لحالي خلص ..الله يحميون صبي و بنت حلوين مبدئيا ...وما رح فكر بالولاد قبل سنتين. :gcube:..ومن هون لسنتين لازم اتغير ... رحت اشتريت بساط مشي عالكهربا و جهاز كريزي فت ...يعني صار ببيبتي نص نادي رياضي...شو بدكون اجهزة بتلاقو عندي...و ضليت هال 3 شهور عالاجهزة...
وصلت لمرحلة بحياتي صار شغلي الشاغل هوي جسمي...واني انحف و ارجع متل ما كنت ....صار عندي وسواس ...حتى ابعد شخص بالعائلة صار يعرف فيه..
ليوم من الايام اجت ماما لعندي و قالتلي عالحل اللي انشالله و باذن الله يكون نهائي و فيه الشفاء بالنسبة الي
و اللي هوي التكميم...
زوجي بهي المرحلة و بعد معاناتو الطويلة معي كان رافض لاي تجربة جديدة طبعا و بمساعدة والدتي و خالاتي قدرنا نقنعو...و اخدتني الماما لعند افضل جراح بسوريا ...وطبعا اسمو اشهر من نار على علم عنا ...وهوي نفسو اللي عمل السليف ل وفاء موصللي وسلوم حداد و سيف الدين السبيعي
الدكتور طريف عيطة ... طبعا ما في داعي اوصف الرقي تبعو ....راقي و اكابر و جنتل و بيجنن و بنفس الوقت شاطر و معروف...و هوي المدير العام لمشفى الاسد الجامعي... يعني لازم يكون شاطر كتير و نسبة الخطأ بعملياتو معدومة ...و اساسا هوي اختصاصي جراحة
المهم رحت عالدكتور و شرحلي عالعملية ... و اكدلي انو هالعملية بتصلح لاشخاص متلي ...عملو كلشي وما استفادوا...ووزنن و حالتون الصحية بتسمح...
طلبلي صور و تحاليل ...رحت عملتها بنفس المشفى اللي عملت العملية فيه و كان كل شي طبيعي ...باستثناء الشحوم و الكوليسترول و الاسيد اوريك ...وهدا شي طبيعي لشخص بوزني.
بس احلى شي صار معي انو انا طولي 165 سم ... لما قاس الطول طلع معو 160 سم ...انصدمت بصراحة .بس اللي وضحلي ياه انو لما الوزن بيزيد ...غضاريف المفاصل و العمود الفقري بتنضغط ...مشان هيك الشخص بيقصر شوي..... و لما بيستعيد وزنو الطبيعي ..ومع شوية رياضة بيرجع متل ما كان
عملت العملية السبت قبل الماضي ...يعني من اقل من 15 يوم ... اول يوم كان عذاب بمعنى الكلمة ...
ليش العذاب ؟؟؟
لانو ما في اكل ... : ... عنجد انا مشكلتي بهالحياة هيي الاكل ...بحب الاكل بشكل مو طبيعي ...وكان لازمني هيك عملية حتى اعمل ريجيم اجباري و غصب عني ...غير هيك صدقا ما كان مشي الحال ابدا ..
المهم اول يوم من العملية و بعد خروجي من غرفة العمليات حسيت بوجع ...بس محمول بصراحة ...مع المسكنات كان الوضع تقريبا عادي...لاني كنت مهيأة نفسي لالام اكبر ...بس لقيتها محمولة ...
علقولي سيروم بايدي و كان في انبوب طالع من انفي... و هدا اللي كان مسببلي شوية ازعاج...المسا ...زوجي جاب اكل الو و لاختي اللي كانت نايمة عندي.. لما فتحوا الاكل و بلشت الروايح تطلع بالغرفة تعوذت من الشيطان...ما بعرف شو صرلي من الريحة و بلشت استفرغ.. يعني اتقيأ... بس كان كل القيء ينزل بالكيس ع شكل دم اسود ..اول يوم كنت متدايقة عنجد و عندي احساس بعدم الراحة ...وخاصة مع الجرابات اللي لبسوني ياهون مشان منع التجلط...و الدنيا صيف و حرييييييييق ...يعني ما كان ناقصني غير هالجرابات
تاني يوم فقت و كانو مو صاير معي شي و لا كاني عاملة عملية قبل بيوم ...فيقتني الممرضة مشان تاخد الضغط و الحرارة و تعطيني الابرة اللي بالبطن (كمان هي مانع تخثر ومميع للدم مشان الجلطات)
اجى الدكتور بعد الظهر و عطاني التعليمات مشان نظامي الغذائي...يعني بكذب عليكون اذا قلتلكون انو سهل ... كتير صعب ...بس مو اصعب من الحالة النفسية اللي سببتلي فيها السمنة .. و كلو كرمال الرشاقة بيهون ..
اول اسبوعين سوائل شفافة و مرق لحمة و دجاج...تاني اسبوعين سوائل سميكة شوي ...بعد شهر لاقدر اكل المهروس ...بالنسبة للرز و النشويات ممنوعة قبل مرور 3 شهور من موعد العملية ...
لحد اليوم مر اقل من 15 يوم ...متقيدة بكل التعليمات ...وكل ما اتدايق بتذكر منظر معدتي اللي قصلي ياها قديش كانت كبييييييييييرة....معدة ديناصور مو هيك...
برجع بواسي حالي ...صرت استمتع بشرب مرقة شوربة الماجي او الاندومي و اعتبر حالي اكلة منسف....رح طق ع كاسة لبن يا شباب وما عم استرجي اشربها ... بدي اكل و عم اشتهي الاكل بقوة ... يا الله انا بموت بشي اسمو اكل ...للحظات بشعر بالندم اني عملت هالعملية ..و بعدين برجع و بشجع حالي ...و خصوصي انو تلات ارباع جهازي ما لبست منو شي لاني بلشت اسمن اول زواجي عالادوية و هلأ عم واسي نفسي اني رح ارجع البس جينزات و لانجري و غيرو و غيراتو ...
بس اكبر مشكلة مصادفتني لحد هاللحظة هوي شرب الماء....يعني بشرب سوائل كتير ما بتدايق منها ...بس اشرب مي ...بغص و بتشردق و بتجي روحي لتطلع ...و القران مشتهية اشرب كاسة مي و حس اني ارتويت ...حرقة بقلبي المي لهلأ...
اذا حدا عندو حل امانة لا يبخل عليي و الو ثواب عند رب العالمين ...من يوم العملية لليوم صرت نازلة 5 كيلو... مقارنة بكلام الدكتور ....نزولي بطيء جدا ... يعني لازم انزل اكتر من هيك بكتير....بس المشكلة انو بعد العملية ما عندي حيل لاعمل شي...دائما تعبانة و نعسانة و مالي حيل ارمش عيني ... بعتقد هالشي عادي نتيجة انعدام الغذاء
ناطرة شوي لاسترد حيلي و بدي امشي عجهاز السير انشالله...
اسفة عالاطالة ...بس برأيي انو تجربتي لازم تنكتب لانو كتير ممكن يستفيد منها ...مشان ما يشتري سمك بالمي و ياخدني عبرة الو ....بعد 5 سنوات معاناة ...صار فيني قول اني صرت خبيرة بكل ما يتعلق بامور التنحيف ...من ادوية , لاعشاب طبية, لنوادي رياضة ,لعمليات ,, لمراكز تجميل و غيرو و غيراتو ....
اي سؤال انا جاهزة انشالله وما ببخل عليكون بالرد ... و امانة امانة اي شخص بدو يعمل اي شي ما الو غير الاستخارة ...لولا الاستخارة ما عملت هالعملية و باذن الله ما بندم ..
مشكورين على طولة البال و اسفة عالاطالة
اختكم في الله ...
Nirvana7]
